YHA赤徑

最近是camping好季節，加上前一晚有流星雨，有點驚訝在赤徑露營的人真不少。幸好我們一早訂好YHA青旅白普理堂(赤徑) 海邊的bell tent，自成一角，有齊營具BBQ爐廚房廁所，輕輕鬆鬆，真正 #兩手fingfing去露營。

赤徑的bell tent比之前白沙澳營新和乾淨，一出tent就看到海，早上聽著海浪聲和鳥聲起來，天氣又風和日麗，非常舒服。 步行至附近的紅樹林才半小時，細路們就在紅樹林玩水，玩石，捉蟹仔，第二天一早起來又要encore，還說要在這裡住不想走了，係幾正的。 

最正係咩? 係班小學雞們都早訓了許多，然後最期待的畫面終於出現了，未到深夜班大人已經可以圍爐啤一啤 (...我榨左支苦瓜汁拎去ok)，當日係懷舊之夜，飲同事轉贈我的強尼加綠茶，有後生時唱k的感覺🤣。Metime係好珍貴的，見營地鄰居爸爸都一個人邊聽禪修音樂邊燒柴煲水煮食，夜一夜都唔願訓，個個都是咁的😏 

離開還可以坐船到高流灣食轉海鮮先走，(雖然我好似係食左三碗菜，一碗白飯，一碗炒飯，同少量豬肉加魚...)，價錢比巿區一般抵食，朋友們回味無窮。 小朋友就係要親親大自然，最近好想繼續去camping，唸唸點計劃先😜